Mirée - Malaysia

Ferie in West-Malaysia

2008-07-23T13:51:00.009+02:00

Im Juni bini de naer mit mim Fruend z'West-Malaysia i de Ferie gsi... :) Mir si uf Johor Bahru gfloge u vo dert us naer umegreist; uf Melaka, Ipoh, Taiping, Penang und zum Schluss uf Kuala Lumpur. Vo dert us si mr de wider zruegg uf Kuching gfloge... Es isch hoelle schoen gsi und mr hei viu gseh.... Hie es paar wenigi Foeteli:

z'Melaka amene Suessigkeite-Stand *g*

Meriam isch ebe nid nume (fasch) mi Name, sondern heisst o Kanone... ;) das hani immer wider luschtig gfunge! hie e 'Dutch cannon'

und hie e 'Swiss cannon'! hehe :P

e Trishaw z'Melaka

s'Zentrum vo Melaka; isch ganz fruecher mau e portugiesischi u naer e hollaendischi Stadt gsi... Darum die eher europaeischi Architektur!

dr Nick und ig :)

Ipoh, us uesem Hotelzimmer

ueses Hotel z'Ipoh... Super gsi! :)

traditionells Aesse z'Ipoh: Riisnudle 'Kue Tiaw' mit Chicken und natuerlech Chilli ;)

Ipoh Tree; daem Boum verdankt die Stadt dr Name. Dr Saft bzw. s'Harz vo dr Rinde isch fruecher als Gift fuer d'Pfiile vom Blasrohr brucht worde!

Of course I will call you, sayang... :)

e Waran im Taiping Zoo. Krassi Chralle hm??

e junge Giraff im Taiping Zoo

What a couple!! ;)

uf dr Faehre fuer uf Georgetown, Penang

s'Eastern & Oriental Hotel z'Penang; isch vo de gliche Gruender wie s'Raffles z'Singapore

s'Stadthuus z'Georgetown; i dere Stadt hets no extrem viu Geboeide wo so guet erhalte si... Ues het die Stadt us daem Grund mega guet gfaue!

dr Victoria Clock Tower z'Georgetown, het irgendwie mau irgend e riiche Chines lah erboue, zum Jubilaeum vor Queen Victoria, wiu aer die so cool gfunge het.... Joeh! ;)

e Teil vomene suedindische Tempel z'Georgetown

Strasseszene in Georgetown, Penang (very good picture syg!! proud of you.. emuah!)

imene burmesische Tempel z'Georgetown

o wider i daem Tempel: wow....

dr KL Tower, z'KL (Kuala Lumpur) logischerwiis ;)

Petronas Towers, Kuala Lumpur

vo dr Moschee z'Putrajaya

dr Nick und si Kolleg z'Putrajaya

eini vo de vile Bruegge z'Putrajaya, dr 'Regierigsstadt' vo Malaysia

Petronas Towers by night

Bukit Bintang by night

sad, because soon I need to go home... :(

Singapore 03.-06.05.2008

2008-07-23T13:15:00.005+02:00

Wie es paar vo euch vilech wuesse, hani ja naer nach mim Praktikum muesse uf Singapore usreise, wiu das mitem Visum doch nid so eifach gange isch, wie si mr uf em Imigration Office zersch gseit hei... Bi de fuer 3 Naecht uf Singapore gfloge u dernah eifach aus normale Tourischt zruegg uf Sarawak gange! Hie es paar wenigi iidrueck vo mire City Tour i daem Stadtstaat...

Tradition und Moderne: im Vordergrund auti Shop Hueser, im Hintergrund neui Gschaeftsgeboeide

s'legendaere 'Raffles' Hotel, Singapore: 1887 eroeffnet (dazumaus mit 10 Zimmer), naer staendig erwitteret, aber nie erneueret worde, bis es de e zimlechi Bruchbude gsi isch... Afangs 1990er ischs de waehrend 2ne Jahr vollstaendig renoviert worde u isch jetz wider es Hotel vo Waeutklass!

im 'Raffles' sig 1902 schins dr letscht wild Tiger vo Singapore erlegt worde und usserdaem isch dert dr beruehmt Drink 'Singapore Sling' erfunge worde... PS: Mis Mami het uebrigens i de 80er Jahr mau i daem Hotel uebernachtet, e Wuche nachem amerikanisch Presidaent... :P Es isch huet no wahnsinnig stouz druf!! :)

Gschaeftsviertel oder so vo Singapore

Gschaeftsgeboeide und im Vordergrund das komische runde Ding: 'Esplanade - Theatres on the Bay' ;)

dr 'Merlion', s'Wahrzeiche vo Singapore

gross und chlii.... Wahnsinnig oder? i finge das dr Hammer... :)

und zum Schluss no e Moschee in 'Little India'

Ikarus-Tour Teil IV (Sandakan, Sepilok & Kinabatangan)

2008-04-28T05:03:00.008+02:00

Es isch Maenti, dr 28. April 2008, mi letscht Tag im Buero i mim Praktikum z'Kuching!! =) I mache morn nume no e Transfer u ha naer am Namittag frei zum uf s'Immigrations-Buero z'gah (muess drum mis Arbeitsvisum ines Tourischtevisum umwandle)... Uebermorn chumi de wahrschinlech no is Buero cho 'goodbye' saege u de isch's das gsi!! Wahnsinn....

Hie jetz mi letscht Teil vo dr Ikarus-Tour; angeri Fotos choeme de im Verlouf vo de naechschte Wuchene no.... Machets guet und haebet Sorg!! Adieu.

im Sepilok Orang Utan Rehabilitation Centre z'Sabah: nachdaem d'Orang Utans waeg gsi si, si d'Makkake cho und hei ues e Show botte..... ;)

hehe....

e Makkake-Dame... dr 'Lidschatte' isch dr hammer! *g*

und no es jungs Maennli...

mit somene Boot si mr vo Sandakan us ufe Kinabatangan Fluss gfahre u hei dert de ire Lodge uebernachtet

hie s'Boot vo inne; ig mit dr einte Haeufti vo mire Ikarus-Gruppe

ungerwaegs hei mr sehr viu wildlaebendi Tier gseh; unger angerem e Naseaffe-Muetter mit Baby

und e risige Naseaffe-Vater *g*

Kinabatangan Fluss

Rhinoceros Hornbills, die einzig wahre Nashornvoegel... die erschte woni je gseh ha! (sorry, mini Cam isch leider nid soooo guet, aber ha daenkt i muess s'Foto fasch dri tue... hehe)

es Salzwasser-Krokodil; wird z.T. o Leistenkrokodil gnennt

ufem Markt z'Sandakan; irgendoeppis usem Meer wome cha aesse!! ;)

e Teil vom Markt z'Sandakan

Swastika als 'buddhistisches Zeichen für ewiges Leben'

Ussicht uf d'Bucht vo Sandakan

und zum Schluss no dr chinesisch Tempel 'Puh Jih Shih' in Sandakan

Ikarus-Tour Teil III (Kota Kinabalu und Kinabalu Nationalpark)

2008-04-11T04:25:00.009+02:00

So, da bini wider... =) Es geit nuem lang u de hani mis Praktikum fertig!! Ganz genau heisst das, es si - mitem huettig Tag - no 17 Taeg u naer isch Schluss... I bi wider mau im Buero, soviu ig weiss, hani naechscht Wuche nomau e Tour u de die letschte paar Taeg nomau Buero u naer hani Ferie!! =) Juhuuiii......

Huet chunt jetz dr 3. Teil vo mire Ikarus-Tour u naer fougt de no dr 4. (und letscht) Teil vo dere Tour.... Weiss no nid genau wenn, drum, eifach immer wider uf mi Blog luege! ;) hehe....

Water Village in Kota Kinabalu

Kota Kinabalu's Stadtmoschee

KK (so wird Kota Kinabalu vo de locals gnennt) von oben, Ussicht vom Signal Hill

mis luxurioese Hotelzimmer in KK!! =)

Mount Kinabalu: dr hoechscht Baerg in Suedoschtasie, 4095m.ue.M. (leider meischtens vo Wolke verdeckt)

Hibiskus

i ha extrem Freud a mire Kamera... u versueche immer so noech wie moeglech z'foetele.... es lebe die Macro-Funktion!! =)

e nackte Boum, sozaege.... die waerfe mit dr Zyt d'Rinde ab.... wiso, weissi leider nid ganz genau....

verschideni Moos-Arte... mi hets fasziniert, dass d'Flora in Kinabalu so angers isch aus bi ues in Kuching

nomau sone nackte Boum.... =) gseht cool us inmitte vo au daem Gruen, fingi!

es Farn, wo sech no nid ganz 'usgrollet' het.... ;)

e Medinilla-Art... auso so e Struch wo ir Kinabalu-Region wachst!

Low's Blackberry: nachem Hugh Low, em erschte Beschtiiger vom Mount Kinabalu benennt

nomau e Medinilla-Art

Necklace Orchid, Halsketten-Orchidee

Rabbit Orchid, Hasen-Orchidee ;) gseht aecht geil us, das Haesli oder?

Vogelnest-Farn... wachst meischtens nid am Bode, sondern uf de Boeim, ebe so wienes Naescht

Engels-Trompete... die kennet dr vilech, gits ja bi ues o...

Ussicht vom Restaurant wo mr Zmittag gaesse hei... Irgendwie chli wie ir Schwizz!! (Mau abgseh vo de exotische Blueme unge raechts... *g*)

was isch aech das?! Chabis? Chopfsalat? neeeei..... das si Rafflesia-Knospe!!!

Rafflesia in voller Pracht; die groeschti Blueme vor Waelt miteme Durchmaesser vo bis zu eim Meter!!

'mini' isch 70cm gross gsi u vor Art Rafflesia keithii (die auergroeschte, Rafflesia arnoldii, gits z'Sabah leider nid...)

aber i bi scho vo dere wahnsinnig beiidruckt gsi... =) die Blueme bruche uebrigens durchschnittlech 9 Moenet bis si bluehe u laebe naer nume 5-7 Taeg.. ungloublech! Si si o sehr empfindlech (z.B. gaege Sunneliecht, darum isch si da so beschuetzt... u mr hei o nume uf die Steine doerfe stah, wiu we me are Knospe aachunt, de stirbt si...)

e Roupe.... ;)

hie jetz nomau Ananas... hani ja scho mau druf tah gha! dismau auerdings mitere Frucht dra... =)

und zu guter Letzt no e Sunneuntergang... so gseh us mim luxurioese Hotelzimmer z'KK am 28.03.2008 =)

Mit daem Bild verabschidi mi vo oeich... Bis zum naechschte Mau!! I wuensche nech aune e ganz schoene Fruehlig... Adieu.

Ikarus-Tour Teil II (Mulu)

2008-04-03T06:37:00.007+02:00

So, da bini wider... Huet geits witer mitem 2. Teil vo mire Ikarus-Tour! =)

Nach eire Wuche Sued-Sarawak (Kuching City Tour, Delphine-Tour, Mangrovefahrt, Langhuus und Maludam) si mr naer mitem Flugzueg uf Mulu gfloge! Dert hei mr im 'Royal Mulu Resort' residiert *g*; das lit diraekt naebem Gunung Mulu Nationalpark, wo sitem November 2000 UNESCO Welterbe u mitere Flaechi vo 528km2 dr groescht Nationalpark in Sarawak isch. I daem Nationalpark hei mr 4 Hoehlene aagluegt, unter anderem d'Clearwater Cave, die laengschti Hoehlepassage in Suedoschtasie (107km) und d'Deer Cave miter groeschte Hoehlepassage waeutwitt (120-150m Durchmaesser).

Nach zwoeine Naecht z'Mulu si mr naer de witter uf Kota Kinabalu, Sabah gfloge... Fotos folgen!

I wuensche oeich aune e schoene Raescht vor Wuche.... =) Adieu.

Raegewald usem Flugzueg... Auso mi erinnerets irgendwie a Broccoli! ;)

'unendliche' gruene Weite... wunderschoen oder?

Sicht us dr Wind Cave

ir Wind Cave inne

eiblaettrigi Pflanzene (Monophyllaea) am Iigang zur Clearwater Cave

Sicht us dr Clearwater Cave

ir Lang's Cave; die Hoehli isch nachemne local guide benennt worde, wo se 1978 entdeckt het

nomau ir Lang's Cave; mire Meinig nah die schoenschti vo dene 4 Hoehline

Sicht us dr Deer Cave; Abraham Lincoln-Profil

e Art Wasserfall im Innere vor Deer Cave; wird als 'Adam und Eva-Duschi' bezeichnet

Sicht us em hintere Usgang vor Deer Cave; dr 'Garten Eden' (es Tal, abgschnitte vor Ussewaelt; het sehrwahrschinlech frueher o zum Hoehlesystem ghoert u de isch eines Tages d'Decki iigschtuerzt u jetz isch ebe dert s'Paradis vo Borneo')

e Hammerhead-Wurm oder so... ;)

irgend e Tuusigfuessler... oder e Hundertfuessler? :p

ig ufem Canopy Walk, ca. 20m hoech! =)

Blick ufe Raegewald us 20m Hoechi

und grad nomau...

eine vo dene Dschungelriese, im Groessevergliich mit mir! =)

und zum Schluss no s'Flugzueg wo us uf Mulu und vo Mulu wieder waegg transportiert het... e 50-plaetzigi Fokker

Ikarus-Tour Teil I (Maludam)

2008-04-01T05:02:00.004+02:00

Hallo zaeme!! I bi sit em Samschti wider z'Kuching, ha jetz mini 2-wuechigi Ikarus-Tour verbii... Bi mit 14 Luett zersch ei Wuche im Suede vo Sarawak (auso da woni immer bi) umegreist, naer si mr 2 Naecht z'Mulu und de no 4 Naecht z'Sabah gsi; auso total 2 Wuche ungerwaegs mit dere Gruppe... Es isch e schoeni, aber o sehr aastraengendi Zyt gsi! Hie jetz dr erscht Teil vo de Fotos; die wittere folge im Verlouf vo dere Wuche... Auso immer wider mau uf mini Sitte luege; es lohnt sech! =) Liebs Gruessli us Kuching.. Adieu.

PS: Dr erscht Teil vo de Fotos isch vo Maludam, daem Fischerdorf woni im Februar mau ufemne Fam-Trip gsi bi... Uesi Chunde hei dert i verschidene Gaschtfamiliene uebernachtet (2 Naecht), mr hei mit ihne traditionelli Kekse bachet, hei s'Dorf aagluegt u si i Maludam Nationalpark gange! Dernah wider zruegg uf Kuching u am naechschte Tag Delphine-Tour (vo dere hani ja scho mau Fotos druf tah, darum keni neue meh....)

dr Empfang im Fischerdorf Maludam; Hadrah-Trommele und Gsang...

bir einte Gaschtfamilie dehei

traditionelli Biscuit mache... zersch dr Teig...

u nachdaem si ir Pfanne 'bachet' worde si, chunt e Kokosnussfuellig dri u si waerde zaemegrollet...

dernah hei mr bimene gmuetleche Tee aui doerfe aesse! =) mjammie...

'Dorfstrass' in Maludam

e Lade in Maludam

fruesch gmachti Krupuk (Krabbe-Chips) ir Sunne zum trochne (mit Laebensmittufarb, dass si schoener usgseh *g*)

ufemne Fischerboot ufem Waeg zruegg nach Kuching (auso Sebuyau, wo ues dr Bus abholt het)

mit eire vo mine 14 Chunde ufem Boot

es 'Restaurant' am Strasserand, wo mr uf d'Faehre hei muesse warte

Drinks schoen usgstellt... =)

Wider mau es paar Foeteli...

2008-03-13T04:34:00.012+01:00

Hallo zaeme! Es git wider mau es paar neui Fotos... Die Wuche bini im Buero, aber baud scho chani wider uf Tour!! Am Sunnti chunt mini 14-choepfigi Gruppe us Duetschland aa und die begleiti de fuer 2 Wuche... Nachdaem geits nume no 1 Monet u de hani mis Praktikum scho fertig! I froeie mi... Vor auem froeii mi druf, naechher no chli Zyt fuer mi z'ha u Kuching z'gniesse, ohni 5.5 Taeg ir Wuche (bzw. 7 Taeg wenni Tour ha) zschaffe...

I hoffe oeich geits aune guet u dir vermisset mi nid z'fescht! *g* Isch no luschtig, dass viu vo oeich mi jetz immer frage, wenni eigtlech hei chume... Es geit zwar immer no 3.5 Moenet, aber so wies toent, ischs aeuae mau langsam a dr Zyt, zruegg id Schwizz z'cho! ;) O hie frage mi immer aui, wenn dassi eigtlech zruegg goengi, i sig ja scho lang hie etc.... Eh ja, zur augemeine Information: i chume Aendi Juni zruegg, mis Praktikum isch Aendi April fertig!

Enjoy my pictures...

d'Seduku mit ihrer Tochter Sadam im Semenggoh Wildlife Centre

d'Nora miter Baka (o z'Semenggoh)

Die naechschte paar Fotos hani im Pitcher Plant & Wild Orchid Garden gmacht.. Dert bini uf dr letschte Tour z'erschte Mau haere gange! Isch vou cool, was da aues fuer Pflanze git...

eini vo ueber 30 Pitcher Plant (Kannepflanze) Arte

und no e angeri Pitcher Plant Art

e wildi Orchidee-Art

und suesch irgend e Pflanze (ischs o e Orchidee? I don't know... *g*)

nomau e Orchidee-Art

irgend e Struuch wo vorem iigang gwachse isch ;)

und no e ganz spezielli Orchidee =)

und no Farn, wo scho zu Dinosaurier-Zyte exischtiert het...

Die naechschte Fotos si fasch aui (mit Usnahm vor Pit Viper) im Semenggoh Wildlife Centre, wos ebe nid nume Orang Utans git *g*, entschtande...

irgend e Tuusigfuessler-Art (im Groesseverglich)

no e angere Tuusigfuessler

Termite...

irgend e Echse-Art... sorry, dassi ke genaueri Agabe ha! ;)

e Pit Viper im Bako Nationalpark

es Schlaengli in Semenggoh ar Informationstafele; mir hei naer spaeter usegfunge, dass es gar nuem saeuber waegg choene het, wius us Versehe feschtklaebt isch... *g*

hie no vo noechem!

Auso, i wuensche nech aues Guete..... Haebet Sorg und bis gli!! Adieu.

Jesus- und Marienerscheinung auf Palme

2008-02-26T03:28:00.011+01:00

Letscht Wuchenaend bini mit em Nick sire Familie uf Simunjan gfahre, ca. 2h vo Kuching entfaernt.. Sini Eltere, 2 vo sine Schwoeschtere mit Familie und 2 Onkle mit Familie si o no mitcho!

Vor rund 3 Wuche isch i daem Dorf e Maa gstorbe und i dr gliiche Nacht het sini Muetter e Troum gha.. I daem Troum het ihre Sohn gseit, dass aer nach sim Tod uf dere Palme wird erschiine, zaeme mitem Gsicht vo Jesus. Wo si de am naechschte Morge, wo aer scho tot isch gsi, dae Boum isch gah aaluege, het si tatsaechlech s'Gsicht vo ihrem Sohn und s'Gsicht vo Jesus choenne gseh! Usserdaem isch o no e Abbildig vor Maria, e Darstellig vom letschte Abendmahl und es Gsicht vomene chline Chind erkennbar...

Die Nachricht het sech jetz im ganze Staat verbreitet und tagtaeglech pilgere tuusigi vo Luet i das chliine Dorf, zum die Palme mit eigene Ouge gah aaluege, zum Baette und zum sech oeppis wuensche...

ufem Waeg is Dorf; mr hei meh aus 1km vorhaer muesse parkiere...

... wius sooo viu Luet gha het!!

es Bild vo dere Palme; i weiss haut nid ob dr oeppis choeit erkenne (hie gseht me gloub dr Verstorbnig (gross ir Mitti), dr Jesus (obe dra) und s'Ching (ungedra))

nachdaem hei mr no aui zaeme picknickt.... (hie e Teil vo dene Luet ufem Foto!)

em Nick si Schwager, 2 vo sine Schwoeschtere und sini Cousine

eine vom Nick sine Neffene; dr Isaac und ig =)

und no e angere Neffe: dr Rodick und ig =)

Fam-Trip: Malay Village and Iban Longhouses

2008-02-12T05:05:00.000+01:00

Hallo zaeme! Es git wider mau News vo mir... =)

I bi momentan wider mau im Buero; no 2 Wuche u naer geits wider uf Tour!! Letscht Wuche hei mr e Fam-Trip gha, uesi 3 Guides si mit dr neue Studaentin (Silke) und mit mir ufne 4-Tagestour gange.. Mir si is Fischerdorf Maludam gange u hei dert fuer 2 Naecht binere Gaschtfamilie gwohnt, e Nationalpark bsuecht, si mitemne Fischer ufe Fluss, etc (das isch es Programm wo o uesi Chunde ab und zue bueche, u mir si aebe dert haere gange, dass mir mau gseh, wie das so geit... Trainingstour quasi.) Nach dene 2 Naecht si mr naer ines neus Langhuus gfahre, wo mr ev. in Zuekunft o Toure wei mache... d'Guides hei de mit de Luet dert diskutiert und d'Silke und i si verantwortlech gsi fuers Filme und Foetele! ;-) Die 3. Nacht hei mr naer imne angere Langhuus verbracht u si de am naechschte Tag wider zruegg uf Kuching. Isch cool gsi, wider mau neui Sache z'gseh... =)

Dernah hani 4 Taeg frei gha, es isch Chinese New Year gsi!! Am erschte Tag bini wider mau uf 'visiting' gange, so wie denn a Wiehnacht o; het z'Aesse, z'Trinke u jenschti Snacks gaeh, isch no witzig gsi..... U naer hani mau chli choenne relaxe (isch z'erschte Mau gsi, dassi 4 Taeg nachnang frei gha ha, sitt letscht Juli!)

Hie si jetz d'Fotos vo uesem Trip:

Das isch e Markt ufem Waeg nach Sebuyau, wo mr de o mit de Chunde stoppe, zumne die lokale Sache z'zeige...

e chlini Uswau a - fuer ues Schwizzer - ungwoehnleche Fruecht und Gmues: unge linggs 'Jackfruit' und 'Yam', obe das Gruene isch 'Dschungelfarn', wird als Gemuese kochet

und was isch das fuerne Plantage?! waers weiss, soeus bitte als Kommentar unge haere schribe.. interessiert mi, wie viu dass druf choeme! DANKE! =)

in Sebuyau, wo mr naer es Boot gnoh hei...

uesi 3 Guides: Khalik, Saprie und Ambrose

d'Silke, dr Ambrose und ig im Boot vo Sebuyau nach Teriso (dert si mr naer abgholt u nach Maludam bracht worde)

e chliine Lade in Maludam

Vater und Tochter, in Maludam

Chind in Maludam (hei sech aui vou gfroeit, ues Wiisse z'gseh... *g*)

dr Maludam-Fluss wo duers Maludam-Dorf fliesst

e Fischer im Fluss

dr Fischer uf uesem Boot, am Netz uswaerfe

Cat Fish: het uese Fischer gfange =)

d'Silke, uesi neui Studaentin

Natur ufem Waeg i Maludam Nationalpark (per Boot)

im Nationalpark: cha nume per Boot 'erkundet' waerde

e riisegrosse Naseaff (die im Bako Nationalpark si einiges chliner)

und mir am dr Naseaff aaluege *hehe*

Nature...

no chli e angeri Art vo Pflanze...

e tote Boum inmitte vo au daem Gruen

wow...

vou cool, die 'Staecke-Boeim' ;-)

das isch im Awas Langhuus, wo mr mit de Luet am rede si, ob mr ev. in Zuekunft Toure wei dert haere mache

u das isch i daem Langhuus wo mr uebernachtet hei

hie no vo usse: dir gseht, es isch scho chli moderner, aus die wo mr suesch uf de Toure bsueche

So, das waers wider mau.... I wuensche nech e gueti Zyt, haebet Sorg! Adieu.

"Same-same but different" - No. III

2008-01-28T04:10:00.000+01:00

Huet vor 7 Moenet bini ir Schwizz abgfloge; jetz bini dopplet so lang witt waegg vo dehei wie dazumals woni z'Indonesie im Ustusch bi gsi... Einersits chunts mr vor, aus wuerdi scho ewig da z'Kuching wohne u andrersits duenkts mi, es sig ersch geschter gsi, woni mi z'Zueri vo mire Familie verabschiedet ha... Weni am Morge ufwache, ischs so saeubschtverschtaendlech, dassi da bi, i ha nie s'Gfueu i sig ir Schwizz oder so (das het me ja suesch aube)... Irgendwie ischs aber raecht schnaeu gange, das Ganze! No 3 Moenet u naer bini scho fertig mitem Praktikum.. Jetz herrscht no gad chli Flaute mit Toure, ab Aendi Februar rock is aber de nomau richtig.. Ei Tour nach der andere, unter anderem fluegi mit ere 14-choepfige Gruppe uf Sabah! Das wird mr ja oeppis...

D'Unterschiede woni nech huet wott verzeue bezieh sech uf Privatsphaere bzw. uf Koerperpfleg (da derzue gits aber ke Fotos! *g*) und 'Chindererziehig':

Hie in Malaysia ischs, im Gaegesatz zur Schwizz, ganz normau oepper z'frage, ob er scho duschet het... Me stellt sech das mau bi ues vor, so unter Freunden, u naer fragt me die angere, ob si scho duschet hei! ;-) Uf jede Fau wird hie 2 mau am Tag duschet, am Morge und am Abe.. Das mache - so viu ig weiss - aui, auso o d'Ching waerde am Abe wider id Duschi gschickt.. Das git aube richtig es Aastah, z.B. bim Nick dehei, we die ganze Nichte und Neffe dert si, und aui der Reihe nache id Duschi gschickt waerde...

Was hie o angers isch - das chani jetz nid generell saege, aber i bi mr fasch sicher, dass das witt verbreitet isch: z.B. aebe bim Dusche haeufe die grosse Gschwueschterte de Chliine, auso die 13-jaehrigi duschet die 2-jaehrigi, de muess d'Muetter das nid mache...

Uebrigens, wenn Gaescht choeme, sis hie o huefig d'Chind wo me schickt, zum z'Trinke hole, Snacks uftische etc... Die sie hie nid so verwoehnt wie bi ues! ;-) Hei o nid aui es eigets Zimmer, sondern schlafe mind. z'zwoeit - im Langhuus sogar mit dr ganze Familie - i eim Zimmer...

E Usnahm bilde aber d'Chinese bi daem woni jetz verzeut ha... Die hei naemlech huefig nume 1 oder 2 Chind und zwar 'dicke Kinder', wo mit McDonalds und KFC verwoehnt waerde... I nimme aa, die berchoeme o deheim aues i Arsch gschobe! ;-)

So, das waers wider mau fuer huet... I wuensche aues Guete und viu Spass im Schnee - faus es het! ;-) I bi letscht Wuchenaend scho wider chli bruun worde... hehehe =) Adieu.

PS: Zum Schluss no 2 Orang Utan-Fotos; die grossi isch d'Seduku, die aeltischti 'Dame' im Semenggoh Wildlife Centre und die angeri isch ihri Tochter, d'Sadam, ca. 5 jaehrig. Het zwar mitem Thema nuet ztue, aber i bi ebe am Samschti wider mau dert gsi... =)

'same-same but different' - No. II

2008-01-18T06:52:00.001+01:00

Dr naechscht krass Unterschied isch d'Tierwelt! wenn me ir Schwizz ine Nationalpark geit, de gseht me vilech Hirsche, Murmeltier, Gemse, im normale Autag traeffe mr Chueh, Schaf, Geisse.... Hie aber begaegnet me diverse Affe, Schlange u zum Teil sogar Dinosaurier! *g* nei, z'letschte schtimmt natuerlech nid... aber d'Krokodil und o d'Warane choeme eim aube scho fasch chli dino-aehnlech vor!! =)

Naebscht au dene exotische und zum grosse Teil vom Usschtaerbe bedrohte Tier, gits hie aber o 'normali' Tier wie Huend, Chatze, Hamschter, Aquariumfische, usw... *g* Uf d'Chatze gahni aber de es anders Mau no noecher druf ii, die sie naemlech hie o 'same-same but different'! dir waerdets gseh... ;-)

hie jetz es paar Fotos woni noni ufem Blog ha:

e Pit Viper, letscht Wuche im Bako Nationalpark

und no e angeri Art: Wagler's Pit Viper, oeppe die huefigschti Schlange in Bako

hie no e Begaegnig vomene 'gwoehnleche' Aff und emne Moenscheaff, Makkake und Orang Utan

und no es Krokodil ir freie Wildbahn, rund 3 Meter laeng gloub...

'same-same but different' - No. I

2008-01-17T05:16:00.000+01:00

Wie versproche chunt jetz mini Serie 'Unterschiede Malaysia-Schweiz'. I ha eigentlech eher dermit woeue aafah, ha sit Afangs Dezaember scho dra umegstudiert, wasi aues choent dri naeh, wasi no fuer Fotos derzue bruche, etc, aber wie's mit so Sache isch, vo saeuber macht sechs nid... ;-) Huet fang mau die erschte paar Unterschiede und es fouge de gli meh.... Die Serie wird vorussichtlech nie abgschlosse waerde, wiu churz gseit: hie isch eigtlech aues angers! Oder wie o gaern gseit wird 'same-same but different'... =)

Zersch no schnaeu churz oeppis angers: i ha jetz es Tattoo!!! juhui..... has am 04. Januar gmacht, isch quasi s'Wiehnachtsgschaenk vo mir fuer mi gsi! =)

ig bim taettowiere

sooo... jetz aber zu de Unterschiede! eine vo de groeschte und offesichtlechschte Unterschide isch definitiv d'Flora... i ha mi mittlerwile aber scho totau dra gwoehnt, tagtaeglech Dschungelpflanze z'gseh, u muess mr ab und zue richtig saege 'hei, das isch ja gar nid 'normau', dass ueberau so exotischi Pflanze wachse...' *g*

Da es paar Fotos wo noni uf mim Blog si.. Git aber natuerlech no viu angeri Pflanze, wo i dae Post wuerde ghoere... Vo dene hani aber ke Fotos meh, wo dr noni gseh heit! Sorry Pitcher Plants!! ;-)

da es Foto vo Mangrove im Bako Nationalpark

wird gaern brucht fuer Moebel z'mache... isch aber gschuetzt im Bako Nationalpark!

Riisfaeld am Strasserand ufem Waeg nach Batang Ai

Riis vo noechem

nomau Riis

und aues isch schoen gruen: da uese Van ufem 'Pan Borneo Highway'

Malaysia isch nid nume es Pfaefferland , sondern het o ueberau Kautschukboeim zum Latex gwuenne

im Wald inne..... hie jetz mit sehr viu Bambus...

und zum Schluss no e chli angeri Sichtwiis vom immergruen Raegewald: Sepia-Ufnahm im Bako Nationalpark

Orang Utans und Boyfriend oder so... ;-)

2007-12-31T09:14:00.000+01:00

Hallo zaeme!

Sooo, Wiehnacht isch verbii und i weiss jetz, wie me hie z'Kuching Wiehnacht fiiret... *g* I ha auerdings fasch gar keni Fotos gmacht, darum begnuegi mi jetz grad druf, oeich z'saege, dass hie relativ angers gfiiret wird aus ir Schwizz... Details choeme de im Newsletter, i ha drum jetz grad ke Zyt meh, wenni no aui Fotos wott ufelade!

I ha Wiehnacht uebrigens mit mim Fruend verbracht, bi bi sire Familie deheime, bi mehrerne Cousins u bi Kollege vo ihm gah 'visiting' mache... Fuer aui die wo das noni gwuesst hei, dassi e Fruend ha, ja, i ha eine! ;-) Und ja, er isch Malaysier bzw. Iban.. Er isch aber nid vom Langhuus, sondern isch scho ir Stadt ufgwachse. Er heisst Dominic (Nick) und schaffet im Orang Utan Sanctuary, wo mir immer uf uesne Toure haere goeh..

Und fuer aui die, wo immer scho gseit hei: 'jaja Mire, du blibsch de eh gad dert u hueratisch e Asiat" ;-) Kei Angscht.. I blibe scho nid grad hie und huerate, sondern chume de mind. no hei zum mini Schu fertig z'mache.... Mir waerdes gseh! Life is full of surprises... =)

dr Nick und ig a Wiehnacht

am heilig Abe, oeppe am Morge am 1.. sini Schwe Aida, die angeri Schwe Anna, ar Aida's Toechterli Fifi (ehrlech! *g*) und no am Nick sis Mami...

die juengschti Tochter vor Aida, d'Sofia! *jooeeeh* =)

U wiu dr Nick ebe im Semenggoh Wildlife Center mit de Orang Utans schaffet, bini ir letschte Zyt aube o weni frei gha ha, dert gsi... Darum gits jetz wider mau es paar Orang Utan Foeteli! =) Und ja, das Foto woni dr Orang Utan am Fuettere bi, das hani nume dank em Nick doerfe mache.. dTourischte doerfe se nid fuettere! das Foto isch geschter entschtange, wo no es Film-Team vom malaysische TV dert isch gsi und mir scho eher zur Fuetterigsplattform ine si, aus dTourischte doerfe... Juhui! s'Baby isch uebrigens soooo harzig gsi, es het mr vou id Ouge gluegt.... Soo putzig! I liebe die Tierli....

dr George, s'zwoeitgroeschte Maennli in Semenggoh

d'Delima miter Selina.. Man beachte ar Selina ihre Gsichtsusdruck! *g*

*wow* huere speziell gsi!

nomau...

da gseht me s'Baby no vo noecher

und da no e Gruppe.... uebrigens: ja, die 2 raechts mache genau das wo dir daenket!! *g*

Goodbye Brigitte!

2007-12-31T08:41:00.000+01:00

Zwar scho ueber ne Wuche haer, aber jetz chumi aendlech derzue no d'Fotos ufezlade vo dr Brigitte ihrem 'Goodbye Lunch'... Si isch am 22.12. heigfloge, puenktlech uf d'Wiehnacht mit ihrer Familie! ;-) Ja, uf daem Waeg no: Aues Guete Bridget!! I hoffe du bisch gluecklech, wider deheim z'sii.... =)

Selina (Guide und Buero), Fariza (Buero), Bridget und Rozza (Buero)

dr Guma (Driver) miter Bridget und mir ;-)

linggs die vom Buero im 1. Stock (Muettergsellschaft vo mire Agentur)

obe: Rozza, Khalik (mi Supervisor) und Guma
unge: ig, Fariza und Selina

und de no mit de Bosse: obe ir Mitti d'Suzanna und unge ir Mitti dr Marco, ihre Maa (linggs vo mir no dr Roy, uese Office Boy bzw. 'Maedchen fuer alles' *g*)

Ok, das waers wider mau fuer huet!! I wuensche oeich aune ganz ganz e guete Rutsch is 2008... Das Jahr gseh mr ues ja de scho wider!! Hebets guet und bis baud..... Adieu.

Merry Christmas!!

2007-12-21T03:28:00.000+01:00

Scho es Wiili haer, sitti z'letschte Mau e Iitrag gmacht ha... Dir heit sicher scho aui sehnsuechtig uf News vo mir gwartet, he? =) Nei Seich... Dr Grund fuer mis lange Nid-Schribe isch, dassi momentan hie relativ e normale Autag ha und fasch nie meh am foettele bi... (Isch me ja dehei im Autag o nid.. *g*)

Morn geit dBrigitte zruegg id Schwiz! Us daem Grund hei mr geschter uese frei Tag (Hari Raya Haji) zum Aalass gnoh, mau mitemne Sampan (es chlises Boetli) uf Nord-Kuching z'fahre und s'Fort Margherita vo noechem aazluege.. (Das zeigt me de Chunde suesch immer nume vo wittem uf dr City Tour!) Fuer mi ischs nach fasch emne haube Jahr z'Kuching s'erschte Mau gsi, woni uf die angeri Sitte gange bi... ;-)

ig im Sampan

s'erschte Mau uf dr Nord-Sitte! (im Hingergrund Sued-Kuching mit de Hotels, Shopping Centers, usw.)

Kuching Nord ghoert zwar o zur Stadt, het aber scho Dorf- bzw. Raegewald-Charakter (im Vordergrund d'Natur vom Norde, im Hingergrund d'Gebaeude vom Suede; duere Fluss trennt)

dr Innehof vom Fort Margherita

ig uf emne "gfaehrleche" Turm... =)

dr Houptteil vom Fort Margherita (isch uebrigens im 19. Jahrhundert (scheiss Jahreszahle! *g*) vom 2. Wiisse Rajah Charles Brooke fuer sini Frou Margaret erbout worde)

Blick vom Fort ufe Sarawak River, linggs Nord-Kuching, raechts Sued-Kuching

Sooo, das waer use Usflug gsi! =) Mir si naer no gah Zmittag aesse (im Suede; im Norde si drum aui Restaurants zue gsi waege Hari Raya Haji, das isch ja dr Tag wo d'Muslims uf Mekka pilgere.. Und Nord-Kuching wird vo ueber 80% Muslims bewohnt.) und gah shoppe...

I wuensche oeich aune ganz schoeni Wiehnacht!! Gniesset d'Fiirtaeg und erholet nech chli... Da no zwoei "fiirlechi" Foeteli vo mir mitem Wiehnachtsboeimli wo mir mis Mami gschickt het! (dChappe hei mr hie kouft.. hehe!) Uf daem Waeg nomau merci viuviumau Moermsli... Di Advaentskalaender isch eifach super gsi! I liebe di...

Sunntigsusflug mitem Sarbini ;-)

2007-11-26T04:21:00.000+01:00

Wiu bi ues jetz Raegezyt u somit Toeifsaison isch u fasch keni Toure meh aastoeh, ischs nid nume ues laengwilig, sondern o uesem Bootsmaa Sarbini.. ;-) Darum het aer ues geschter zum Aesse iiglade u isch mit ues ufne chline Usflug gange! Auso eigentlech muessi da derzue no saege, dass aer d'Brigitte het woeue date (si isch naemlech si Sayang (Liebling) *g*), aber i ha aus Bodyguard mit doerfe.. Hehe.. Isch emu luschtig gsi!

ig mitem Sarbini im malaiische Restaurant

dr See vo Bau (e ehemaligi Goldgraeberstadt, ca. 50km vo Kuching)

nomau dr See

man beachte bitte: d'Kreise im Wasser wo sech um mi Fuess bildet hei... wow! ;-)

und naer hets natuerlech wider mau es Fotos-Shooting gaeh! ;-) hie dBrigitte

und no ig... =)

I wuensche oeich e guete Raeschte vom Novaember und de e schoene Adventsaafang!! I ha vo mire Familie e Adventskalaender uebercho, d.h. i darf - wie i fruechere Zyte - jede Tag es Paeckli uftue... =) Judihui... Nume no 5 Mau schlafe bis zum erschte!!! hehe....

Flora und Fauna in Sarawak ;-)

2007-11-14T04:03:00.000+01:00

Hallo zaeme.. Letscht Mau isch Kultur (sLanghuus) dra gsi, huet steit Natur ufem Programm! Hehe... I hanech mau no es paar Fotos vo verschidene Tier, Pflanze und Landschafte ufeglade, woni i de letschte paar Moenet im Bako Nationalpark gmacht ha!

das isch dr Felse vo wo us die naechschte Fotos gmacht worde si...

dr Felse und im Hintergrund Raegewald

"Mondlandschaft", isch im Verlouf vo tuusige vo Jahre vo Wind und Waetter so gmacht worde..
Ussicht ufe Raegewald und ufe Strand abe...

... wo ueses Boot (linggs) uf ues wartet... =)

Ussicht usem Boot

Pitcherplants, vomene Felse obeabe wachsend...

nomau e Art vo Pitcher Plant

und nomau! das isch eini vo de huefigere Arte hie (Nepenthes Rafflesiana)

dWurzle vomene Mangrovebaum

Mangrovelandschaft bi Ebbe

dWurzle vonere andere Mangroveart

nomau Mangrove, e chli kahlgfraesse vo de Naseaffe ;-)

e Malaien-Gleitflieger (nimmi a, seit mr emu Wikipedia *g*) bzw. e Flying Lemur

e gestreifte Bronzenatter (seit Wikipedia *g*) bzw. e Striped Bronzeback

e Waran, diraekt hinter dr Chuchi vor Kantine im Nationalpark!

e Art vo Eidechse (weiss die genaui Bezeichnig nid) ir Kantine vom Park

und bitte schoen laecheln!! =) joeh, sooo haerzig...

naer hets aber Angscht bercho, het dFarb gwaechslet und isch abdueset! *g*

e Gruppe vo Silberhaubenlanguren (die gseht me eher saeute!)

e Silberhaubenlangur

und mit Baby... (die waerde orange gebore u waechsle ersch im Alter vo ca. 3 Moenet dFarb)

das Chliine isch no gad ir Farbwechselphase ;-)

mal kucken wie das bei dem so aussieht!?! ;-) muahahaha....

und no es letschts Fotos, speziell mire chline Sistakuh gwidmet, wiu si sech scho so froeit die "dauerspitze Naseaffe" gli in natura z'gseh... hie e chline Vorgschmack! =)

I wuensche oeich e schoeni Zyt, machets guet und loeht nech nid z'fescht lah stresse, wo daem ganze Wiehnachtszueg wo bi oeich jetz wahrschinlech i de Laede umesteit.... *g* Hie merkt me zum Glueck no nuet vo daem! Adieu.

Rumah Panjai Mengkak

2007-11-09T03:59:00.000+01:00

Hallo zaeme! Da bini wider mau... Ha grad eini vo mine letschte Langhuustoure im Jahr 2007 hinger mir; jetz faht ja de dRaegezyt aa u dHouptsaison isch verbi! U wiui wahrschinlech paar Moenet (3-4, schaetzi mau) nueme is Langhuus gah, hani daenkt, i mache itz mau no e iitraag, zum oeich zeige, wies imene Langhuus eigtlech so isch... Es hei mi naemlech scho paar gfragt "heeei, du redsch doch immer vo Langhuus, was isch das ueberhoupt?!" *g*

Ha dFotos i die Reihefoug tah, wie o uesi Tour ablouft.. We mr is Mengkak-Langhuus goeh, de uebernachte mr immer zersch ei Nacht im "Hilton Batang Ai Longhouse Resort" (s'einzige Hotel dert witt und breit) u bsueche naer am 2. Tag sLanghuus! Dert haere fuehrt nume ei Waeg, und zwar uebere See per Langboot! ;-)

es Langboot (Foto isch vom Internet! ha grad kes eigets...)

Waegwiiser fuer dLangboot (mitts ufem See *g*)

We mr de nach ca. 30min im Langhuus aachoeme, verzeu ig (mitem Local Guide) de Chunde zersch mau paar Sache (dass 38 Familie dert laebe, dass dr Chief immer ir Mitti wohnt, dass ke Choepf (vo de Chopfjaeger) meh hange, wiu si sech i daem Langhuus zum Christetum konvertiert hei, etc...) Naer begruesse mr dBewohner (de meischte Aeltere git meh dHand und seit "Nama brita?", was so viu heisst wie "Geits guet?". dAntwort druf isch de "Manah!", das heisst "alles ok!") u mache e chline Rundgang... dr Khalik (dae Local Guide wo am huefigschte mit mir uf Tour isch) hockt de meischtens scho mit de Iban haere und we mr naer zruegg choeme, gits mau oeppis ztrinke!! *g* Entweder Riiswii (Tuak) oder Riisschnaps (Langkau).... Und das am Morge am 10i... Hehe...

e Iban am Tuak iischaenke...

Nachdaem me aagstosse (3x "uuuuuuu-haaaaaaaaa") u chli trunke het, choeme de dTaenzer mit de traditionelle Koschtuem.. (Meischtens 1 Frou und 1 Maa, wes meh Tourischte het deumau o 2 Froue u 2 Manne!) Wenn si ihri Vorfuehrig fertig hei, waerde dChunde drzue ufgforderet o ztanze.... I bi aube froh, bini Guide u nid Tourischt! (Ab und zue chunts aber vor, dass si wei, dassi glich o tanze... Eh ja, de haut! Hehe..)

e junge Iban Taenzer im traditionelle Koschtuem

Waehrend de Taenz und o dernah bir Gschaenksverteilig hockt de fasch s'ganze Langhuus mit ues im Ruai (dr Gang, wo sech sGmeinschaftslaebe vo de Iban abspielt).. Und es het natuerlech huuuere viu haerzigi Chind! Da es paar Fotos...

Je nach Waetter aesse mr de am Seeufer oder im Langhuus... Bi mir ischs huefiger der Fau gsi, dass mr im Langhuus gaesse hei! De steut ues de jewiils dr Chief sini Chuchi zur Verfuegig u dr Local Guide chochet mit de Iban zaeme... (Letscht mau hani sogar o no ghulfe!! I cha jetz Dschungel-Farn choche, guet hm? *g*)

am Chief sis Wohn- bzw. Schlafzimmer (ir Nacht waerde Matrazene usgleit u die ganzi Familie schlaft im gliche Ruum... Mir si scho verwoehnt bi ues, he?? Jedes Ching es eignigs Zimmer... Tztztz... *g*)

dChuchi vom Chief (ufem Fuer gseht dr Bambus, dert drin wird Riis und Poulet kochet... dIban mache das huetzutags eigtlech nume no fuers Erntedankfescht "Gawai" - und fuer dTourischte!)

nomau em Chief sini Chuchi (im Hintergrund Tontoepf us dr Zyt mit de Chinesische Haendler; sehr waertvoll!)

und de sBuffet.... Traditionell wird bi de Iban am Bode gaesse! (O wenn dr Chief ufem obere Foto e Tisch het.. Dae hetter uebrigens neu! *g* Isch vorletscht Mau noni dert gsi...)

Makai, makai.... ("Aesse" uf Iban.. Ghoert me hie sehr oft!! *g*) Dae naebe mir isch uebrigens dr Chief!

Nachem Aesse geits de mau use; dert gits e Hahnekampf und de no e Blasrohrdemonstration.. (Vom Blasrohr hani leider ke Fotos!) Hahnekaempf si fruecher hie sehr oft mit Klinge a de Fuess vo de Haehn gmacht worde, mittlerwile ischs aber streng verbotte! Ohni Klinge darf me aber no...

in Kampfposition....... uuund.....

.....Aaaaatackeeeeee!!! ;-)

Und dernah geits wieder zruegg is Hilton Batang Ai fuer ei Nacht und naer am naechschte Morge zruegg uf Kuching! Sooo.... Ischs e chli klarer das Langhuus?? ;-) Bi wittere Frage betraeffend Rumah Panjai, Langhuus uf Iban (oder o suesch), eifach a mi waende! Hehe....

I wuensche nech e gueti Zyt! Haebet Sorg u vergaesset mi nid ganz... (Macht aube fasch chli dr Iidruck bi deune!) Soeu nid boes gmeint si, aber i hanech no oeppis woeue saege:
Wenn dr mr weit aaluete, de machets eifach... Fraget mi nid, "wenn hesch die Wuche Zyt?", naer gibi aui Date duere, freue mi wienes chlises Chind e Wuche lang jede Abe, nume zum am Aendi feschtschteue, dass doch wider kes Telefon chunt... Grundsaetzlech hani jetz duer dWuche immer ab de 11e (CH-Zyt) bis ca. am 16.00 Zyt u naer s'ganze Wknd! Machets guet u bitte "jangan marah!" (don't be angry!) die wos betrifft... I hanech glich huuere gaern! Adieu.

Mission: HaareSchneiden

2007-10-25T03:58:00.000+02:00

Bevori nech definitiv in Rueh lah, chunt nomau e iitrag! Geschter hei mrs gwagt... Nach fasch 4 Moenet hie im Land, hani mi aendlech derzue choenne ueberwinde zum Coiffeur zgah! ;-) I ha wuerklech Angscht gha; dBrigitte het mr verzeut, dass si ihre bim letschte Mau dHaar nid abgschnitte, sondern usgrupft hei!! Adooohh... (Malaysische Usruef fuer "aua"! *g*)

Ja, u so hei mr ues de nachem Schaffe ufe Waeg id Stadt gmacht, mit somene Sammeltaxi wo scho relativ vou gsi isch... Wie dr gseht, i hocke uf somene Absaetzli, het ke Sitz meh frei gha! ;-) Easygoing, choschtet ja o nume 1RM pro Waeg (ca. 0.33CHF)...

So, no schnaeu es paar "Vorher"-Fotos, dass me de o wuerklech dr Unterschid gseht... (Wobii, dae isch nid schwaer z'erkenne!!! *g*)

Neeeei, i bi nid saeubschtverliebt... :-P Aber mis Mami het sech drum beschwaert, dass me mi ja fasch nie uf de Fotos gseh, darum i letschter Zyt so viu vo mir!! ;-)

Hie gseht dr, wie laeng mini Haar vorem Schnide si gsi.. Leid hm? Scho ewig nuem so laengi Haar gha.... Boah! =)

Ja... u so hani mi de ufe Waeg gmacht, ine ungwuessi Zuekunft... Muahaha..... ;-)

Zwischenbilanz. Oehm?! *g*

Schlussbilanz Bridget. Schoen, hm? Verglichet doch mau bitte mitem Foto obe.... *g* Wuerklech viu weniger wild, ah?

Schlussbilanz. Na? Scho tou asiatisch, fingi... Aber iisi, me soeu sech ja aapasse! :-P

Mooncake Festival

2007-10-24T10:00:00.000+02:00

Hallo zaeme!! I bi wider mau im Buero und ha Zyt zum chli z'blogge... Bi i de letschte Wuchene uf mehrerne Toure gsi u jetz hani chli Pouse, bevors de morn mitemne duetsche Paar wider los geit! Hie si jetz aendlech mau dFotos vom Mooncake Festival.. Ha ja vo daem i mim Newsletter verzeut!

ig mit emne chinesische Lampion.. weiss leider nid fuer was dae Zettu ungedra isch;

aui Chinese hei emu sehr interessiert glaese! ;-)

dr iigang vomne chinesische Tempel (mit Lampion gschmueckt fuers Mooncake Festival)

e malaiischi "Band" *g* (o dMalaie beteilige sech chli am Festival, obwous eigtlech chinesisch isch! cool, hm?)

es chinesischs Orchester

nomau Malaie...

d'Carpenter Street im chinesische Viertel

e Nudle-Macher. ehrlech jetz!! ;-)

es Wettspiel wo me um Ice Tea Dose spiut. Nomau, ehrlech jetz!! ;-)

es Schild fuernes Gebaeck wo so heisst wie mis Mami... auso Pia, Kong natuerlech nid! ;-)

e Coiffeur mitts uf dr Strass, waehrend em Festival. Hie gits gloub nuet wos nid git!! ;-)

und de no d'Bridget und ig: Asia Style!! hehe...

Confiserie Kenyalang

2007-10-24T07:58:00.001+02:00

Ja, we me so witt waegg isch vo deheime, de het me ab und zue eifach gwuessi Sehnsuecht wo muesse gschtillet waerde... (Nid falsch daenke!!! *g*) So aus richtigi Schwizzer Meitlis isch das z.B. dr Hunger nach Schoggi! Hehe... U so hei d'Bridget und ig ues de waehrend em Ramadhan, wo ueberau so viu lokali Leckereien verchouft worde si, entschlosse, "Truffes au Chocolat" z'mache!!! Mjammiee.... Da si dFotos vo ues i uesere huuseigene Confiserie! haha. (Kenyalang isch uebrigens s'Quartier wo mir wohne, heisst uf Duetsch Nashornvogel.)

ig am Schwizzer Schoggi schmelze... Merci viumau Ruth!! :-)

Detailansicht *g*

naer s'Eigelb derzueruehre...

Puderzucker derzue...

und de nume no iifuelle!! :-)

fertig si die superfeine "Truffes au Chocolat a la Kenyalang"!! =)

Miscellaneous

2007-10-24T04:17:00.001+02:00

So, jetz zum Schluss no es paar diversi Fotos vo de letschte paar Wuchene.. Haett no e ganze Huufe Nationalpark-, Orang Utan-, Sunneuntergaeng- usw -fotos uf Lager, aber z'fescht verwoehne muessi nech ja o nid! haha... Nach mine Toure gits de wider News! Und bis dahin (chume am 02. Novaember zruegg, dernah weissi no nid was abgeit) wuenschi euch aues Guete, hebet Sorg und frueret nech nid dr A**** ab ir CH!! ;-) Danke uebrigens no fuer dMails woni bercho ha.. Froeie mi immer mega! Adieu.

bi ues ir Strass.. Another Gumpu-Session! ;-)

ya-lah.... Bridget und ig ganz krass! hehe

das isch sozaege uesi "Mama Mie", bi ihre aesse mr (zwangsloeifig) immer Mie (Nudle) zum Zmittag

hie ihre Food Stall, naebe dra dr Sohn vo dere wome Ztrinke bschtellt... Das isch drum hie ufteilt!! ;-)

da gseht dr mi mau aus Reiseleiterin! =) (sFoto hei mr dChunde gschickt..)

und ja... so gseht in oeppe mi Job hie us, rumhuepfen und nix machen! nei Seich... ;-) das isch im Freilichtmuseum; isch e Bambustanz vo de Melanau (eini vo de vile Ethnie hie) und wiu dChunde nid hei woeue probiere, hei si mi "zwunge" vorztanze! isch auso nid so easy, e Guide zsii... :-P

Sunntigs-Usflug id Jong's Crocodile Farm ;-)

2007-10-03T07:42:00.001+02:00

Wo mir mau aui glichzytig amene Sunnti frei gha hei, heimer beschlosse es Usfluegli z'mache... ;-) Es git ebe da ir Noechi sone Krokodilfarm, wo mir aber mit de Tourischte nid haeregoeh, darum het die no niemer vo ues gseh gha.. I dere Farm si drum dTier hinter Gitter und das isch ja nid so das, wo dTourischte wei gseh, wenn si scho dMoeglechkeit hei, Tier ir freie Wildbahn z'beobachte... Ues hets aber haut de glich mau interessiert u so hei mr dr Bus gnoh (1h Fahrt fuer ca. CHF 1.-) u si dert haere gange... Da si dFotos!

dr Bujang Senang (es Riisekrokodil wo unzaehligi Moensche ufem Gwuesse het) und ig vorem Iigang

wie me gseht, si dPlatzverhaeltnis eher beschraenkt... :-(

es Salzwasserkrokodil, die huefigschti Krokodilart uf Borneo... cha bis zu 6m gross waerde!!

nomau es Saltie...

es Freshwater Crocodile

und sie koennen sogar Freunde sein; Freshie und Saltie ;-)

"raindrops are falling on my head..." ;-)

hmmm.... wie wuerd sechs aech aafuehle, we me da dri wuerd gheie?! :-P

Krokodil-Fuetterung!

gseht dr sPoulet am Seili hange?? ;-)

und..... jump!!! - nid verwuetscht.... :-P

nomau nid... aber ke Sorge; ab u zue hei si sech sones Huehnli scho mau gschnappet!! ;-)

und es git o behinderti Krokis..... Hie eis ohni Schwanz! ir Natur waer das vo sire Muetter totbisse worde, aber wius ir Farm kuenschtlech usbruetet worde isch, laebts itz (haut)...

bluubbb.... "Lippugrind", meint dWalliserin... ;-)

es Iguana... vo Suedamerika importiert! so doof... ;-)

nomau... i chli angerne Farbe!

irgend es krasses Vogel... ;-) weiss leider nueme wies heisst!

Groesseverglich!

na, schau dir mal diese Fuesse an!! woah... ;-)

Pig-tailed Macaque bzw. Schweinsaffe

en Otter! deeetcheu.. die Cheibe si luut!

Sun Bears bzw. Malaiebaere

im Innere vom Park... schoen hm?

Ja, das waere dFotos vo uesem WG-Usflug gsi... ;-) Hoffe, dir heiget chli oeppis glehrt! hehe... Wie der merket, hani wider mau raecht viu Zyt zum blogge; das ligt dra, dassi wider mau e Wuche im Buero bi... Aber ab naechscht Maenti bini 2 Wuche non-stop am Toure mache, de bini de beschaeftigt! Machets guet... Vilech posti die Wuche no oeppis und suesch - ja... Choeit ja fang mau flissig i mis neu iigrichtete Gaeschtebuech schribe! Danke... =) Hanech gaern..... Adieu.

Sarawak Regatta

2007-10-03T04:38:00.001+02:00

Vom 31. Auguscht bis zum 2. Septaember isch da bi ues z'Kuching no d'Sarawak Regatta gsi! Mr hei ues zwar chli zviu dervo versproche, sooo interessant ischs de doch nid gsi.. Aber het emu paar schoeni Fotos vom Sarawak River und vor Waterfront gaeh! ;-) Enjoy...

dr Sarawak River vor Waterfront us gfoetelet...

ei Mannschaft uf somene "Regatta-Boot", im Hintergrund d'Astana, sHuus vom Staatsgouverneur

no e angeri Mannschaft... wider mit dr Astana im Hintergrund

e Teil vor Waterfront mit Zueschauer...

d'Jugend vo Kuching... ;-)

e traditionelle Food-Stand

Merdeka!

2007-10-02T09:00:00.002+02:00

Wieni ja i mim Massemail o scho gschribe ha, isch am 31. Auguscht hie Nationalfiirtag, ebe "Merdeka", gsi... Da jetz mini Fotos vo daem "unvergaessleche Event"! ;-)

Uf de erschte paar Fotos gseht dr dBrigitte und mi mit der Sarawak-Flagge! Mr hei daenkt, mr stimme ues chli uf Merdeka ii u mache es Homeshooting mit Fahnene... Hie isch uebrigens die ganzi Stadt vou Flaggene gsi, viiiiuuu extremer aus bi ues a 1. Auguscht!!

Am Abe vor Merdeka si mr aebe de naer i die Karaoke Bar ir 3rd Mile gange... My GOD, angers abgange... Sprich: angers aus bi ues! ;-)

ig mit dr Letty, dere chline hyperaktive Frou.. darfi nech dra erinnere, dassi o nume 1.61m gross bi? ;-)

und so ischs de dinne abgange.... dBridget mit emne super sexy Typ... ;-)

und naer no ig mit mim super Fang... :-P ou yeah! hehe...

Joo, das waer ueses Merdeka hie gsi... Mr si am naechschte Morge auso froh gsi, dass mr hei choenne uspenne!! Die Letty het Bier und Bier und Bier bschtellt, nueme normau gsi... ;-)

Alltag.... ;-)

2007-10-02T07:42:00.002+02:00

Mau e Post, dass dir so chli wuesst, wies hie bi mir usgseht, u wie mi Alltag (ab und zue) isch, wenni nid uf Tour bi.... :-P Ufem naechschte Foto gseht dr ues im Buero, wo mr no 5 Luet si gsi und ues es chlises Pult hei muesse teile...

Jo, Brigitte, ig und Davide

Und eines schoenen Tages, wo mr wider mau vom Buero am heiloufe si gsi (30min zFuess, sit mr kes motorbike meh hei), hei mr die glorrichi Idee gha, e "shortcut" z'naeh.. Mr si ues aber nid ganz sicher gsi wo duere u so isch de us dem "shortcut" e "longcut" worde u mr si ersch bi Sunneuntergang deheime aacho... ;-)

wo de dSunne scho fasch untergange isch, si mr immer no unterwaegs gsi...

...hei aber de schlussaendlech ueses Huus (oranges Gitter) doch no erreicht!
das het mi grad zumene Freudesprung verleitet... ;-)

One night at "D'One Sebila Cafe"

2007-10-01T09:22:00.001+02:00

Hallo zaeme... Isch scho wider es Wiili haer, sitti sletschte Mau gschribe ha! Aber wenigschtens ischs so cho, wieni woeue ha! I bi wider mau chli uf Tour gsi.. U jetz bini im Buero u ha wider mau Zyt zum es paar Fotos ufelade, dass dir chli gseht, was hie so abgeit!

I fah mau aa mit emene Abe Aendi Ouguscht... I weiss, scho es Wiili haer, aber voila! ;-) Dazumals si mr no aui beisammen gsi, no niemer isch hei gange.. U mr si im "Sebila Cafe" gah Znacht aesse! Enjoy the pictures..

dr Nick (isch bis vor churzem bi ues Guide gsi) und sini duetschi Fruendin, dJo... (Si isch letscht Wuche zruegg uf Duetschland gfloge, isch 2 Moenet hie gsi!)

you know her, don't you? ;-)

dr Davide, uese huere cool Italo, wo leider Mitti Septaember abgfloge isch... :-(

und zu guter Letzt no dr Chefchoch... :P er het extra fuer ueses Foto no chli meh gfuerlet!

Widr mau paar Pics...

2007-09-03T10:31:00.001+02:00

Wider mau hani Zyt fuer paar Fotos z'poste... I hoffe mau, das geit nid witer so!! Auso nid, wiui oeich nid wett Bilder zeige, sondern wius e chli muehsam isch, jede Tag im Buero z'hocke.. Aber me soeu nid klage; es git Luet die mache s'Praktikum a Orte wo si es ganzes Jahr lang nume im Buero hocke... :-P

I ha vor ca. 3ne Wuche e franzoesische Familie gha (i bi drum itz o Frenchspeaking Guide, man.... *g*) mit huere witzige Kiddies... Bi mit ihne uf der Delphin- und Schildkroete-Tour gsi (Fotos witer unge) und naer o im Mengkak-Langhuus! Ha mit de Maedels immer "Stadt, Land, Fluss" gspiut und mir heis vou witzig gha... Da si 2 Fotos vo ihne:

d'Valentine und d'Laetitia mit mir am bloedele

ig miter Victoria, der aeltischte

Vor 2ne Wuche hani de naer o mau mini erschti duetschi Tour doerfe mache (ha bis jetz tatsaechlech me franzoesisch aus duetsch gmacht!!) u mit dene si mr i Bako Nationalpark u naer o uf Delphin- und Schildkroete-Tour.. Da si dFotos!

e "Leafcutter"-Ameise, es riise Viech im Fau...

Groesseverglich mit em Guide sim Huet!

e junge Waran im Bako Nationalpark

und nomau; vo noecher...

es sogenannts "Bearded Pig", heisst uf duetsch gloub Bartschwii

d'Jamilah, e Delphin wo me immer wider mau gseht uf dr Delphin Tour...

isch im Fau cheibe schwaer die Tierli z'foetele...

nochmal d'Jamilah! isch uebrigens e Irawadi-Delphin, nid so eine wie dr Flipper isch...

und da isch grad e Vogel cho, u het sech dr Fisch gschnappet, wo mr fuer d'Delphine is Wasser gschosse hei... ;-)

es Fischerboot ufem Suedchinesische Meer

Mangrovenbaeum mit de typische Wurzle, wo me nume bi Ebbe gseht

dr Sarbini, uese Bootsmaa, am Kokosnuss uftue (im Orang Utan-Stil *g*)

jungi "Green Turtles" uf dr Schildkroeteinsle Satang
Don't worry! die muesse nid da drinne blibe, sondern waerde nach Sunneuntergang is Meer freiglah...

jooeehh... so cute, isn't it?

Ok-lah, i muess jetz mau gah penne... Ha naemlech dae Itrag geschter im Buero agfange u jetz huet Abe bi ues dehei fertig gmacht... Mr hei wider mau Gratis-Internetzuegang, da d'Schuel naebedraa kes Passwort fuer ihres Wireless het.. Judihui! Adieu.

Merkt me, dassi nuet ztue ha? ;-)

2007-08-30T08:41:00.001+02:00

Selamat petang... (Guete Namittag!) Da i momentan gad nid so viu ztue ha - gelinde ausgedrueckt *g* - nimmi mir die Zyt zum no chli meh Bilder vo de letschte Wuchene z'poste.. Mir hocke momentan dr 3. Tag im Buero ohni irgendwelchi Ufgab; dBrigitte het jetz agfange ihres Praktikumsdossier z'mache und i bi am Fotos sortiere, maile etc... (Wenn mir mini Schueu haut ke so Uftrag git, chani o nuet derfuer!! hehe..)

Ufem erschte Bild gseht dr, wie das bi ues so usgseht, wenns mau richtig pisst... Eigtlech isch hie zwar noni Raegezyt (faht offiziell im Novaember aa), aber ebe Klimaveraenderig usw... ;-) Uf jede Fau hets a daem Tag e Riiseueberschwemmig bi ues ir iifahrt gaeh und o dChuchi und dr Brigitte und mis Zimmer si ganz nass gsi, wiu ueses Wellblechdach haut nid ganz e so dicht isch, wies soett sii...

dBridget rettet der Kueder vorem Ertrinkigstod... *g*
(Man bemerke den Wasserstand und die Wellen bei uns in der Einfahrt!!)

Am 05.08., mim letschte freie Tag vor mim 3-Wuche-Schaffmarathon, hani fuer mi saeuber e Tour a Strand veraastaltet... (Aui angere hei muesse schaffe!) Bi mitem Shuttle uf Permai gfahre (ca. 32km vo Kuching) u has naer dert a Strand chillt.. Nach chli suennele u gmuetlech laese, hani mi de o no miter Bridget und em Davide troffe, wo beidi vo dert im Rainforest Resort (Permai) us e Tour hei gha.. Am Abe bini mitm Shuttle zruegg u naer no 1h vom City Center zu mir hei gloffe! Aiaiai, huere aastraengend.. ;-)

dr eint Strand im Permai Resort, im Hingergrund Raegewald

Mitti Ouguscht hani ufene Langhuus-Tour der besonderen Art mitdoerfe... Mir si is Ngemah Ili-Langhuus; dert uebernachtet me nid im Hilton Resort (wie z'Mengkak) und o nid im Guesthouse (wie z'Serubah), sondern direkt im Langhuus saeuber! Isch e huere cooli Erfahrig gsi; me berchunt so viu meh mit vom Laebe vo dene Iban und es isch o persoenlecher..

Mir hei 2 Naecht im gliche Langhuus uebernachtet, u wo mr am 2. Tag nachem Picknick am Fluss (Fotos weiter unten) zruegg is Huus cho si, hei ues aui scho begruesst, aus wuerde mr ues ewig kenne.. U haerzig! I daem Langhuus isst me o mit de Iban zaeme u nid mit de angere Tourischte.. Uesi 2 Chunde (us Genf), dr Dunstan (local guide) und ig si fuer die 2 Naecht sozaege vo eire Familie "adoptiert" worde u hei bi ihne im "bilik" (Familieruum) doerfe Zmorge u Znacht aesse u bi ihne im "ruai" (Gmeinschaftsruum auso -gang, wo aui Familiene vo eim Langhuus zaeme hei) uf Matrazene unter emne Moskitonetz schlafe...

e Teil vom Langhuus vo usse

e Iban-Taenzerin im traditionelle Koschtuem

dr Dunstan und ig mit de Taenzer

und o s'arme Miri het leider vor aune muesse tanze... tja! ;-)

e chline Iban

Blick usem Langhuus uf dTerasse und Umgaebig

uese Bootsmaa am Bambus schniide...

... zum sMittagaesse drin choche

sBuffet im Iban-Style

Lemanak-Fluss

e Libelle, wo sech uf mim Bei verirrt het... ;-)

imene angere Langhuus

Gschaenkverteilig

Iban-Jungs im angere Langhuus

widr mau es Iban-Grab, dismau sogar mit TV!!! =)

"uesi" Familie z'Ngemah Ili

s'Ruai (dr "Gmeinschaftsruum") wo mir o gschlafe hei

s'Langhuus us dr Sicht vom Langboot

So, das waers fuer huet! dBrigitte wartet scho ganz ungeduldig und gnaervt, wiu ig so langsam bi... Tja, we me haut baernduetsch schribt! Geit haut aechli laaaaangsaaaam...... Adieu. :-)

A lot to do... (Sometimes.)

2007-08-28T04:01:00.001+02:00

Hallo zaeme.. It's been quite a long time since my last post! i bi hie vou beschaeftigt gsi.. Es isch momentan Hochsaison u mr hei immer e ganze Huufe Tourischte wo uf Toure wei gah! Ha die letschte 3 Wuche vou dueregschaffet.. jetz bini aber wider chli im Buero u has chillig bzw. laengwilig.. Aber zum Glueck si mr ja mehreri Studaente wo umehoeckle u de ischs nid ganz so schlimm! ;-)

Mau wider es paar Foeteli fuer euch; si si auerdings scho chli aelter, sprich vo Afangs Ouguscht gloub.. Die neue choeme de spaeter mau!

e sogenannti Pitcher Plant, e fleischfraessendi Channepflanze wo me hie ab u zue mau aatrifft...

e wildi Orchidee, wo hie eifach so am Waegrand wachst...

Pfaefferland Malaysia!! =D

45% vo auem Pfaeffer waeltwitt wird in Malaysia produziert, dervo 90% in Sarawak!!

Batang Ai; dr groescht Stausee in Sarawak, fasch 90% vom Strom chunt vo dert...

im Mengkak-Langhuus; Gschaenkverteilig! (aui Tourischte bringe irgendoeppis mit und das wird de geraecht unger aune Familiene vo im Langhuus wohne, ufteilt... i daem Langhuus sis z.B. 35!)

da gseht me, wie si sich uf jewiils ihres Huefeli Gschaenk stuerze... *g*

Kids im Mengkak-Langhuus

Delima und Selina; 2 vo de bekanntischte Orang Utans im Semenggoh Center

2 Generations... im Serubah-Langhuus.

Iban-Graeber: si gloube dra, dass dr Verstorbnig im Jensiits o no witerlaebt u lege darum aui moegleche nuetzleche Sache uf dGraeber, dass dr Tot die cha bruuche...

ig mitem Schaman im Serubah-Langhuus

auch Hunde gibts hier... ;-)

s'Serubah-Langhuus vo usse... (dert uebernachtet me im Gaeschtehuus naebedra!)

Sodela, das waers wider mau fuer huet.. Ha die angere Fotos leider no nid usgwaehlt und parat, Zyt haetti naemlech grad gnue zum se druf tue... ;-) Egal; mr hei jetz gad e Uebersetzigsuftrag z'dritt uebercho, i beteilige mi da o mau no chli dra.. Ha ja suesch nuet ztue da im Buero! Machets guet..... Liebe Gruess us Sarawak! Adieu.

Nationalpark & Orang Utan Sanctuary

2007-08-04T06:30:00.000+02:00

Hallo zaeme.. So, es isch wider mau Zyt es paar Bilder uf mi Blog ztue.. Die meischte vo oeich hei ja wahrschinlech mi "Newsletter" scho bercho, darum beschraenki mi bi mim huettige Post vor auem uf dBildbeschribige, aues angere hani ja scho verzeut.. ;-)

(Faus oepper sMail nid bercho het, aber no gaern wett ha; eifach saege! i schickes de..)

Wagler's Pit Viper, im Bako National Park

uf soerige Pfade si mir im Nationalpark duere Raegewald gloffe.. Das isch jetz auerdings eis vo de wenige grade Waegstueck, meischtens geits ufe und abe, ueber Stock und Stei... ;-) (muessi no foetele!)

Blick ufs Meer, im Vordergrund es Stueck Mangrovewald (echli kahl gfraesse vo de Affe!)

e Koengispenis (ohni Scheiss!! dae Pilz heisst so..)
"blueht" nume immer oeppe 3-4 Taeg, me gseht ne auso raecht saeute..

e Naseaff! wird o Orang Belanda (Hollaender) gnennt, waege dr grosse Nase und em dicke Buuch.. *g*

nochmal...

e Monitor Lizard bzw. e Waran, ca. 1.50m gross..

ein Makkake (das si die fraeche Affe, wo ab u zue mau sAesse oder so chlaue..)

Sea Stack (so spezielli Steiformatione im Suedchinesische Meer bim Bako National Park)

Blick vom Strand ufe Raegewald

Blick vom Raegewald ufe Strand (mit uesere Gruppe)

dr George, s'zwoeite dominante Orang Utan Maennli im Semenggoh Sanctuary

d'Delima mit ihrer Tochter Selina (3-jaehrig)

Blick uf Kuching vom Civic Centre us
in Kuching muess jedes neu boute Gebaeude e Mindeschtateil a Gruenflaechi ha.. schoen he?

nochmals Kuching

So, das waers fuer huet.... Naechscht Wuche gits noeii Fotos vo de Langhueser woni bsuecht ha! Jetz hani Wuchenaend, mr goeh wahrschinlech a Strand! Judihui... Adieu. =)

mini erschte 3 Wuche zKuching

2007-07-20T13:26:00.001+02:00

Why do all bad things come to a (good) end? :-) Because of Bridget aka Brigitte (dWalliserin)... Ufem naechschte Foto gseht dr si grad, wo mr si gah philippinisch aesse..

Dank daem, dassi si kenne glehrt ha, hani nach beschissne 1.5 Wuche mini Praktikumsstell choenne waechsle! I ha bi mire 1. Steu huere bloedi Bosse gha, wo e grossi Schnurre aber nuet derhinger gha hei.. Ha zwar e Wohnig noech vom Zentrum gha, aber si isch draeckig gsi und i ha allei muesse wohne.. dLuet i mim Buero si arrogant und ignorant gsi.. usw.. U so ischs de cho, dass ar Brigitte ihre Boss, wo eh uf dr Suechi nach Praktikante isch gsi, gfragt het, obi nid zu ihne woeug waechsle... And here I am.. :-)

Aber zersch verzeui euch mau no chli vo mire 2. Wuche in Kuching: I ha vom Mittwuch a "Ferie" gha, wiu mi Boss nid woeue het, dassi no is Buero gah, nachdaem i gseit ha, i chuende... I daere Zyt isch mi de dr Dome (e Kolleg vo Zueri) wo gad mit sire Family zWeschtmalaysia i de Ferie gsi isch, cho bsueche.. Er isch 3 Naecht hie blibe, mr hei chli Citytour gmacht, viu gaesse, ar Waterfront chillt usw.. Vou gmuetlech gsi!
es paar Idrueck vor Stadt und so berchoemet dr uf de naechschte Fotos:

Dr Dome mit Cucur Pisang (Fried Banana)

Dr Iigang zur Jalan India (India Street)

Es schiffet, schiffet, schiffet... Raegezyt waer eigtlech ersch im November!

dAstana, e Palascht wo huetzutags sHuus vom Staatsgouvernoer isch

Waterfront by night... Nice, isn't it? ;-)

Square Tower, ehemaligs Gfaengnis und spaetere Tanzsaal

dStrass gad diraekt naebe dr Waterfront...

Blick ufe Sarawak River und es paar vo de groessere Hotels da ir Town

Waterfront by night... I'm loving it!

Sooo... das waere jetz mau paar Fotos vor Stadt gsi.. Jetz geits witer mitem Bricht nach mine "Ferie"... ;-) I ha aebe ja vom Mittwuch aa frei gha u bi am Friti naer us dr Wohnig uszoge.. Bi de voruebergehend ine Lodge gange, dass mi aut Boss nid grad merkt, dassi ine neui Agency waechsle.. (hei si nid so gaern!) Dr Dome isch naer am Samschti Morge wider uf Weschtmalaysia gfloge und i bi de vore Mitarbeiterin vom neue Buero ir Lodge abghout worde.. Si het mi naer i mis neue Deheime bracht; id "Chaotu-WG", wie si vor Bridget bezeichnet wird... ;-)

Am Sunnti bini de hie zMalaysia zerschte Mau am Meer gsi! Isch oeppe 30km vo Kuching entfaernt; vou cool we me am Wknd eifach so a Strand cha flitze... :-)

Santubong Beach

Mir wohne uebrigens imene Reihehuesli chli usserhaub vo Kuching, ufem naechschte Foto gseht dr uesi Chuchi.. Isch no es cools Huettli; 2-stoeckig mit 3ne Zimmer, ere Stube, er grosse Chuchi etc... Vou gechillt..

uesi Chuchi, im Hintergrund si naer Duschi u WC...

Am Maenti hani mi erscht Arbeitstag gha bi "Masama JS".. u am Mittwuch Abe hani zerschte Mau mit ufne Tour choenne! :) bi mit mim Boss mitgange, eifach mau zum luege wie das so isch, bevori de saeuber o Toure leite... Mr si uf Mangrovefahrt gange, hei Irawadi-Delphine, es Salzwasserkrokodil, Naseaffe, Makkake und Silberhaubenlangure gseh.. Vou cool gsi! u o so dAbestimmig mitem Sunneuntergange isch huere schoen gsi.. Eh ja, luegets nech saeuber a! ;-)

Abestimmig ufem Suedchinesiche Meer

es malaiischs Kampung (Dorf) am Rand vom Santubong River

nomau das Dorf und dr Santubong River

es paar Affe.. (gseht me leider nid so guet!)

Sunset over Santubong River

Sodela..... ;-) Da waers mau gsi fuer huet! jetz hani auso huere viu druf tah... Huet bini scho wider uf Tour gsi, imene Nationaupark! Vo daem gits de naechscht Mau paar Fotos.. Drum, eifach wider verbii luege! und e Kommentar hingerlah... ;-)

Machets guet! Gniesset dr Summer, wo dr ja jetz aendlech o wider heit... Ha nech gaern! Adieu.

Now I'm here...

2007-07-04T10:47:00.001+02:00

Vor eire Wuche bini no dehei gsi, jetz hani scho dr 3. Arbeitstag hinger mir da zKuching!! Die Zyt vorem Abflug isch huere schnaeu gange ; wie scho letscht Mau erwaehnt, i ha mi irgendwie gar nid richtig choenne druf vorbereite... I wett mi no bi aune bedanke, wo mir vor dr Abreis oder o i de erschte Taeg hie gsmslet oder gmailet hei, wo mir Abschiedsgschaenkli gaeh hei oder o eifach a mi daenkt hei.. ;-)

Uf de naechschte paar Bilder gseht dr so chli Idrueck vo mire Reis; aus erschts mis "Turkish Airlines"-Flugzueg woni vo Istanbul uf Singapore gha ha.. Isch tou neu und suber gsi und usserdaem hani 2 Sitze fuer mi allei gha! Super gsi! :D S'zwoeite Foto isch irgendwo uf dere Strecki i dr Luft u s'dritte isch bim Landeaaflug uf Singapore.. Gseht no cool us mit dene vile Schiffli, fingi..

Mis erschte Weekend hie zMalaysia isch ganz ehrlech gseit raecht beschisse gsi.. :( Wiui die einzigi Praktikantin bi, wo "Straits Central" momentan het, muessi ganz allei inere Wohnig si (mit der Zyt bini de wahrschinlech froh drueber *g*); suesch si si aube z'zwoeit oder sogar z'dritt gsi.. U da i hie ir Stadt no fasch nuet u niemer kenne, hani o nid soo viu gmacht..

Aber zum Glueck gits no e Walliserin, dBrigitte, wo scho sitemne haube Jahr da isch u woni vo studivz.kenne!! (Danke a aui wo mr immer gseit hei, i soeu mi aendlech uf dere Site aamaeude!! *g*) Am Samschti Abe hani de mit ihre abgmacht zum gah aesse.. U o am Maenti si mr wider gah aesse u chli gah duer dStadt cruise.. (Si het aebe e Toeff, wo si darf bruuche!) Bi aecht huere froh, dass si da isch.. U i gloub o si isch froh ueber nes "Stuckji" Heimat, wie si so haerzig gseit het... ;-)

Uf de naechste 2 Fotos gseht dr wies so usgseht vo mim Zimmer us.. Einisch zumene ruehige Zytpunkt und einisch denn, wenn gad dSchuel us isch!! (het gloub oeppe 4 da ir noeche Umgaebig..) Huuere dr Verchehr... ;-)

Ufem naechste Foto isch mis Zimmer; mini Wohnig isch uebrigens gad ei Stock oberem Buero.. Isch no chillig, muess ersch grad am haubi 9i use u bi glich no puenktlech! ;-)

Die letschte 2 Fotos si no chli vor Stadt.. (Ke Angscht, choeme natuerlech de no meh! i bi ja noni mau e Wuche da...) Ufem erschte gseht dr e Teil vor "Waterfront", dPromenade am Sarawak River.. Isch vomene Restaurant us gfoetelet woni am Sunnti ganz allei gaesse ha.. :-( (i weissss.. Saeubschtmitleid isch doof!! *g*)

U s'auerletschte Foto isch vo somene Ort wos ganz viu chlini iiheimischi Beizli het.. Dert bini am Maenti miter Brigitte gah aesse! Jedes Beizli spezialisiert sech immer uf 1 oder 2 Gricht u de waehlt me anhand vo der Charte wo gross agschribe isch, i weles dass me geit.. ;-) Mir si i daem gsi wos Riis und Nudle gaeh het! (Vo dene gits natuerlech mehreri..)

Auso, i wuensche euch no e schoene Tag! Wuerd mi froeie ueber Kommentaer oder E-Mails.. Adieuuu...... Bis zum naechschte Mau!!

Noch 4 Tage!!

2007-06-24T21:16:00.000+02:00

Die letschte Wuchene si huere schnäu verbii gange... i has gar nid richtig tschegget! gli hocki scho im Flugzüg und gah für fasch es ganzes Jahr wäg! füeut sech scho no schreg aa..

dPrüefige si guet gloffe, i ha sSemester mit Bravour bestange! :-P juhui... jetz hani scho 2 Wuche Ferie hinger mir, ha aber eigentlech gar no nid richtig Zyt gha, zum mi ufs Wäggah vorbereite! bi immer chli ungerwägs gsi etc, u ir letschte Zyt het sech i üser Familie eh quasi aues nume um ei Sach träit: mim Brüetschtli sis Hochzyt!

Geschter ischs de "ändlech" so witt gsi; dr Beat u dNathalie hei ghüratet.. I wünsche ihne uf däm Wäg nomau aues Guete uf ihrem gmeinsame Läbenswäg! :-)

Da no 2 Föteli vo ihne:

Vor 1.5 Wuche hani bi mir no es chlises Abschiedsfeschtli gmacht, isch gmüetlech gsi.. Mir hei brätlet, gnoh, "Nicht-lustig" verzeut usw... :-D

U am 08.06., a däm Tag woni mini letschti Prüefig gha ha, isch zFriburg o no Campus Fever gsi! Underschool Element het gspiut!! :-D
Da si no paar Föteli vo üs, wo mr ufs Konzärt gwartet hei:

4 weeks to go!

2007-05-31T21:46:00.000+02:00

Es geit nüm lang.. No 4 Wuche bis i gah! Mir si jetz scho zmitts i de Prüefige; no 5 nächscht Wuche u när hani scho es ganzes Schujahr zZüri verbi!! Extrem wie schnäu dass das gange isch...

Vor 2 Wuche bini mit mire Mom u mire Schwe zHamburg gsi.. Mir hei so chle dStadt besichtiget, g'shoppet u si i die "Neue Flora" gah Dirty Dancing luege.. Super gsi! :D

Da no paar Pix...

Blick vom "Michel" ufe Hafe vo Hamburg

bei den Landungsbrücken

mis Schwesi =)

im "Miniatur Wunderland" (riisigi Modäuisebahnaalag in Hamburg)

die "Neue Flora"

dCoré und ig

"mis" Abschieds-Poardy

2007-05-17T20:34:00.000+02:00

6 weeks to go!! hüt i 6 Wuche bini scho im Flugzüg bzw. scho z'Istanbul am umstiige... krass!! dZyt geit huere schnäu verbii...

zum mi Abschied no chle ordentlech fiire und öich aui nomau gseh, hani es Grillfeschtli plaanet... und zwar isch das am 14. Juni ab de 18.00 bi mir dehei!! i hoffe, dass viu chöi cho.. :-)

2 months to go..

2007-04-28T15:02:00.000+02:00

scho ei Monet verbii sitti dä Blog eröffnet ha.. es geit gar nüm so lang bis ig abflüge! hüt i zwö Mönet starti scho.. uiuiui... chli es komischs Gfüeu, irgendwie.
hüt bini mi Rucksack gah choufä für dert häre.. ä Mammut, 80 Liter.. da sött emu bitz öppis Platz ha! ;-)

Letscht Wuche bini no mit 2ne us mire Klass zBudapest gsi (Angela und Michi), het huuuere gfägt... Mir si mitem EuroNight gange, 150.- retour. Vou easy Priis.. isch auso z'empfähle!
da no es paar Bildli... Adieu. =)

Blick vom hügelige Buda ufe Stadtteil Pest

d'St. Mathyas-Chiuche

Budapest by night (im Hingrgrund dBurg und e Brügg)

i liebe die ungarischi Schriftwiis füre Buechstabe "s"... Muahaha... =)

Bärn mit Simée, Bäschu, Mänu

2007-04-11T21:30:00.000+02:00

Bi letscht Friti z'erschte Mau mit dene 3ne uf Bärn i Usgang gange (miter Simée natürlech scho öfters, aber mit de andere zerscht Mau!) u es isch huere luschtig gsi.. Nachdäm mr am Morge am 4i am Bhof e Kebab gässe hei, si mr uf die glorriichi Idee cho, gah Passfötelis zmache.. Das isch derbi usecho! :-)

S'wird immer konkreter...

2007-04-06T18:36:00.000+02:00

i bi geschter mi Flug gah bueche.. i flüge am 28. Juni zZüri ab! sMichi chunt jetz leider nid mit.. Si cha ihres Praktikum zAustralia ersch Afangs Oktober aafah, de cha si no nid Ändi Juni flüge.. (dFlugtickets si ja 1 Jahr gültig.. u si muess dert bis Ändi Juli 08 schaffe..)
eh ja, de flügi haut allei.. und zwar mit Turkish Airlines (mit sehr guetem Inflight Entertainment, seit mi Lehrer *g*), umstige in Istanbul und Singapore.. am 29. Juni gäge Abe chumi de zKuching aa.. i fröie mi!

3 months to go...

2007-03-26T23:03:00.000+02:00

so.. jetz bini no schön dehei ir Schwizz und i gloub, wenn aues nach Wunsch verlouft, de flügi hüt i 3 Mönet ab Richtig Asie... dr Plan isch, dassi mi zäme mitem Michi (Regula aka Börni) ufe Wäg mache und dass mr zäme no i irgend ere asiatische City e Stopover mache, bevor mr üs de definitiv i üsi Praktikumsstädt (Kuching, Malaysia bzw. Perth, Australia) absetze.. ;-)
jaja, das längt mau für jetz.. interessanter wirds de ersch später... adieuu.